Sunday, December 18, 2011

ဆောင်းဦးပုံပြင် အပိုင်း(၁)

အေးသည် ။ ခိုက်ခိုက်တုန်နေအောင် ချမ်းမိသည် ။ ဦးခေါင်းထက်တွင် ပြင်ဦးလွင်ထုတ် ပြည်တွင်းဖြစ် ခေါင်းစွပ်ကလေး လည်း အပြည့်အဝ မနွေးထွေးတော့ပြီ ။ ယိုးဒယားမှာ ဝင်တဲ့ အအေးလှိုင်းကား မြန်မာနိုင်ငံ ကို အဖျားခတ်နေပြီတဲ့ ။ အဖျားဘဲခတ်လို့ တော်သေးပါရဲ့လို့ ၊
အအေးလှိုင်းသာ တစ်ကယ် ဝင်ခဲ့ရင် ၊ ဘယ်ဆီသွားနေရမလဲ မသိလို့ ။
ဘယ်ဆီသွားနေရမလဲ မသိဆိုလို့ ၊ ဒီလိုမျိုး အေးတဲ့ အချိန်ဆိုရင် ခိုလှုံစရာ ရင်ခွင်တစ်ခု ကို အရမ်းတမ်းတ မိသည် ။
ဆောင်းည ကို တစ်ကိုယ်ထဲ လျှောက်လှမ်းလာရင်း ၊ ဂစ်တာတွေတီးပြီး သီချင်းလိုက်ဆိုနေတဲ့ ၊ ခရစ်ယန်လူငယ်များ ကို တွေ့ တော့မှ ၊ ဒီဇင်ဘာ ခရစ်စမတ်နေ့ ၊ ခရစ်စမတ် ပွဲတော် ကို ရောက်တော့မှာပါလားလို့ အတွေးထဲဝင်လာတယ် ။
သြော်...တစ်ရက်..တစ်ရက် ၊ သမုဒ္ဒရာဝမ်းတစ်ထွာ အတွက် စိတ်ရောကိုယ်ပါ နှစ်မြုပ်နေခဲ့တာနဲ့ အတိတ်တွေ ကို မေ့ထားခဲ့တာ ကြာနေပေါ့ လို့ ၊ သက်ပြင်းချမိတယ် ။
လူတိုင်းမှာ အတိတ်ဆိုတာ ရှိကြပေမယ့် ၊ အများထက် ပို နာကြည်း ဝမ်းနည်းစရာ ကောင်းတဲ့ ကိုယ့် အတိတ် ကို အတင်းမေ့ထားခဲ့တာ ကြာခဲ့ပါပြီ ။
စဉ်းစားရင်း လမ်းလျှောက်ရင်း နဲ့ ၊ အလင်းဖွင့်တဲ့ လမ်းဘေး လဘက်ရည်ဆိုင်သေးသေး လေး ထဲမှာ ဝင်ထိုင်လိုက်မိတယ် ။
ဆိုင်လေးထဲမှာ သီချင်းတစ်ပုဒ်ကို တိုးတိုးလေး ဖွင့်ထားတယ် ။
နားထောင်ကြည့်မိတော့ ၊ ကိုယ် အရမ်း ကြိုက်တဲ့ “ထူးအိမ်သင်” ရဲ့  “ မြို့ ပြညများ ” ဆိုတဲ့ သီချင်း ဖြစ်နေတယ် ။ သောက်ဖို့ မှာထားတဲ့ ကော်ဖီ ပလိန်းတောင် ဖောက်မဖျော်ဖြစ်အောင်ဘဲ ...တိတ်ဆိတ် ငြိမ်သက်သွားမိတယ် ။
“ အိုး..မြို့ ပြ ညများ မူးယစ်သွားခဲ့တယ်
 ရင်ခုန်သံလေးရယ် ဆွံ့ အ နေခဲ့
 ငါ့ ဝိညာဉ် ရယ်... ”
စိတ်ဓါတ်တို့ သည် လဲပြိုကျသွားခဲ့သည် ။ ဇွတ်အတင်း မေ့ ထားသော အတိတ်တို့ သည် ၊ ရုပ်ရှင်ပိတ်ကား တစ်ချပ် ကို ကြည့်နေရသလို မျက်လုံးထဲ ပေါ်လာသည် ။
ဆောင်းလေညင်း ကြောင့်လား ၊ ခံစားချက် ကြောင့်လား လို့ မေးလျှင် မဖြေနိုင်သော မျက်ရည်ပူ တစ်စက် ကျလာသည် ။
မျက်ရည်...မျက်ရည်
နောက်ထပ် သီချင်း တစ်ပုဒ် ထပ်နားထောင်ဖြစ်သည် ။ “ ထူးအိမ်သင် ” ပါဘဲ ။ တစ္ဆေအနမ်း
“ သွေးကြောများ ရပ်တန့် သွားပြီလား ၊ ငါ့ ရင်မှာ တုန်လှုပ်သွား...
 အေးစက်တဲ့ မင်းရဲ့ လက်တွေက ငါ့ ကိုယ်မှာ ဆော့ကစား...အား မင်းထွက်သွား..
 အသက်မဲ့နေတဲ့ မင်းအကြည့်တွေနဲ့ နှလုံးသားအား ဖမ်းစားထားတယ်
 အခန်းထောင့် အမှောင်ထဲက စကားပြောသံများလား... အား ထိတ်လန့် နေဆဲ...
 စိတ္တဇည ခေါင်းလောင်းထိုးသံများ ငါ့ သန်းခေါင်ယံ အိပ်မက်လား
 သွေးစုပ်တဲ့ မင်းရဲ့ နှုတ်ခမ်းတွေ က အရိပ်တွေ လို လေလွင့်သွား.. ”
...............................
“ သူ့ နဲ့ ဖြူ ချစ်သူ တွေ ဖြစ်သွားကြတယ် ဆိုတာ က ၊ သူ ဖြူ့ ကို မရရင် သူ့ ကိုယ် သူ စာမေးပွဲ အကျခံ မယ် ဆိုလို့ ပါ ”
ချောက်ကနဲ ပိတ်လိုက်သော ဆိုနီဝေါ့မင်း လေး အဆုံးမှာ ၊ နာကြည်းစရာ စကားပြောသံများ တိတ်ဆိတ်သွားသည် ။
“ သူငယ်ချင်း စိတ်မကောင်းပါဘူး ”
တိတ်ဆိတ်ငြိမ်သက်သွားသော သူငယ်ချင်း နှင့် ကျွန်တော် တို့ ကြားမှာ ၊ ဆိုနီဝေါ့မင်း ကတ်ဆက် အနက်ရောင် ကလေး က ပြောင်ပြနေသလို ။
တက္ကသိုလ်၏ တစ်ဆိုင်ထဲသော ကန်တင်းဆိုင်ရှင်သည်လည်း ၊ ကျွန်တော့် အဖြစ် ကို နားလည်ရှာသည်ထင် ။ ကျောင်းဆင်းပြီး ဆိုင်ပိတ်ချိန်ရောက်နေတာတောင် ၊ သူ့ ဆိုင် ကို မပိတ်သေးဘဲ စောင့်ပေးနေရှာသည် ။
“ မင်း..အခု ဘယ်လို ဆက်လုပ်မယ် ၊ စိတ်ကူးသလဲ ”
သက်ပြင်းရှည်ကြီး တစ်ချက် ချမိလိုက်ပြီး
“ လေဒီဖက်စ် ဆိုတဲ့ အတိုင်း ၊ သူ့ ဆန္ဒ ကို ဘဲ ဦးစားပေးရတော့မှာပေါ့ကွာ ”
“ မဟုတ်သေးဘူးလေကွာ ၊ မင်းတို့ နှစ်ယောက် က သိပ်ချစ်ကြတဲ့ ချစ်သူတွေ လို့ တစ်ကျောင်းလုံးက သိထားကြတာလေ ၊ စိတ်ဆိုးလို့ စိတ်ကောက်လို့ ဆိုရင်တောင် မင်းဘက် က သွားချော့လိုက်ပါကွာ ”
“ မရတော့ဘူးကွ ၊ ငါ နဲ့ သူ နဲ့ က တောင်ကိုရီးယား နဲ့ မြောက်ကိုရီးယား လို ဖြစ်နေတာ ကြာပါပြီ ကွာ ၊ ထားပါ ၊ မင်း အခုလို ၊ လာသတင်းပေးတာကို ကျေးဇူးတင်ပါတယ် ၊ ငါတို့ လစ်ကြရအောင် ၊ ဆိုင်ရှင်လဲ ပိတ်ချင်နေရှာရောပေါ့ ”
“ အင်း...မင်း ဒီကိစ္စအတွက် စိတ်ညစ်ပြီး အရက်တွေ အများကြီး သောက်မနေနဲ့ ဦးနော် ”
“ အေး.. ”
ဖြူ နှင့် ကျွန်တော့် ကြားမှာ ၊ နားလည်မှုတွေ ဘာလို့ ဒီလောက် ဝေးကွာသွားခဲ့ရတာလဲ ၊ ကျွန်တော် အပြင်းအထန် စဉ်းစားခန်း ဖွင့်မိသည် ။ အဖြေတော့ ထွက်လာသည် ။ ထိုအဖြေ ကို ကျွန်တော် အပြင်းအထန် ငြင်းဆန်မိသော်လည်း ၊ ထိုအဖြေ မှ လွဲပြီး အခြားအဖြေ မရှိ ။
တက္ကသိုလ် ၏ ဒုတိယ နှစ် ကျောင်းသား ဘဝ နေ့ ရက်များသည် ပျော်စရာ အလွန်ကောင်းခဲ့သည် ။
ကြောင်စိုးလွင် ၊ မှောင်မျိုးသူ နှင့် ကျွန်တော် စိုးသူ တို့ သုံးယောက်သည် ပထမ နှစ် ကို ဆပ်ပလီ အတူတူ ဖြေပြီးမှ ဒုတိယ နှစ်သို့ တက်လာကြရာ ၊ ဒုတိယနှစ် တွင် သူငယ်ချင်း ဆိုတာထက် ပိုသော ခင်မင်ခြင်း ကို တည်ဆောက်နိုင်ခဲ့ကြသည် ။ ညီအစ်ကို ရင်းတွေထက်ပင် ပိုချစ်ခင်ကြသည် ။
ကြောင်စိုးလွင် ဆိုသည်မှာ နာမည်ပြောင် ဖြစ်၍ မိန်းခလေး များ ကို ဖွန်အရမ်းကြောင်တတ်သူ
မှောင်မျိုးသူ ကတော့ မှောင် ဆိုတဲ့အတိုင်း ၊ မှောင်လျှင် ပလောင်ထင်းသူ ဖြစ်သည် ။
ကျွန်တော် မောင်စိုးသူ တစ်ယောက် သာ ဟိုစပ်စပ် ဒီစပ်စပ် အကောင်းစားလေးရယ်ပါ
ရည်းစားမရှိကြသော ကျွန်တော် တို့ သုံးယောက်စလုံးသည် အလွန် တွဲဘက်ညီကြသည် ။
ရန်ဖြစ်မလား ၊ ဖဲရိုက်မလား ၊ ဖွန်မလား ၊ အရက်သောက်မလား အကုန်လာထားဘဲ ။
ဖြူ သည် ကျွန်တော် တို့ နှစ် တစ်နှစ်ထဲ အတူ တက်လာသော ၊ အလှဘုရင်မ အဖြစ် ရွေးခြယ် ခံရသော ၊ ပြုံးလိုက်လျှင် မျက်ခုံးလေး ပင့်တတ်သော ၊ ချစ်စရာ အရမ်းကောင်းသည့် ကောင်မလေး ဖြစ်သည် ။
ပထမ နှစ် တုန်းက သူမ ကို ဝိုင်းပြီး ချစ်ရေးဆိုကြသူ အများကြီး ရှိခဲ့သော်လည်း ၊ ဖြူ ဆိုသော ပန်းပွင့်လှလှလေးမှာ မည်သူမှ မခိုနားနိုင်ခဲ့ကြ ၊ ခိုနားခွင့် မပေးခဲ့ ။
အားလုံးကို ကြိုးရှည်ရှည် နဲ့ လှန်ထားသလို လုပ်သည် ။ စိတ်မရှည်ဘဲ ဇွတ်ကပ်လျှင် ၊ နာပြီသာ မှတ်တော့ ၊ သူမ အလှကား အဲဒီလောက် ဖြစ်သည် ။
ဖြူ့ ကို ကြိုးစားခဲ့သူများထဲတွင် ကျွန်တော် သည် နံပါတ် တစ် ဖြစ်ခဲ့သော်လည်း ဆန်ပြုတ် သောက်ခဲ့ရ၍ နောက်ပိုင်းတွင် အဆက်အသွယ် မရှိတော့ ။
ကျွန်တော် ဆိုတဲ့ကောင်ကလည်း စိတ်ပျော့ပေမယ့် ၊ ကိုယ့် ကို ငြင်းပယ် လိုက်ပြီဆိုလျှင်တော့ ထပ် မလှည့်ချင်တော့အောင် စိတ်နာမိသည် ။
ဒုတိယ နှစ် ကျောင်းစဖွင့်ပြီး ၊ နှစ်လခန့် အကြာတွင် ၊ ကျွန်တော် တို့ အခန်းမှ ကျောင်းသား ကျောင်းသူ များ စုကာ ပုဂံသို့ ခရီးထွက်ဖြစ်ကြသည် ။
သီတင်းကျွတ် လပြည့်ည တွင် ပုဂံ၌ မီးပုံပွဲတစ်ခု ဖြင့် ၊ ဆော့ကစား ပျော်ပါးရင်း အားလုံး ပျော်ပျော်ရွှင်ရွှင် ၊ တည်းခိုသော ဘုန်းကြီးကျောင်းကြီးမှာ လည်း ကျွန်တော် တို့ ကျောင်းအဖွဲ့ များ သာ ရှိသဖြင့် လွတ်လွတ်လပ်လပ်ပင် ။
ပြည့်ဝ လှပနေသော လကြီး ကို ထိုင်ကြည့်ရင်း ၊ မှောင်မျိုးသူ ဝှက်ယူလာသည့် အရက်ပုလင်း ကို ကြောင်စိုးလွင် က တစ်ခွက်စီ ထည့်ပေးသည် ။
သကောင့်သားရှင်ဂွမ်းဂွိ ရောက်လာပြီး နှာခေါင်းရှုံ့ ရင်း မဲ့ပြသည် ။ နှစ်ယောက် က ခွက်တိုက်ပြီးသည် နှင့် တန်းမော့လိုက်ကြသော်လည်း ၊ ကျွန်တော့် မှာ မသောက်ဖြစ်သေး ။ မီးပုံပွဲဘေးတွင် ပါတီလုပ်နေကြသော ကျောင်းသား ကျောင်းသူများ ကို လှမ်းငေးကြည့်နေမိသည် ။ အားလုံးသည် လန်းဆန်း တောက်ပနေကြသည် ။ ဖြူ့ ကို လည်း တစ်ချက် ကြည့်ဖြစ်သည် ။ သူမ ပုံစံ ကြည့်ရသည်မှာ နေမကောင်းနေပုံရသည် ။ မျက်နှာ သိပ်မလန်း ။
ကျွန်တော်တို့ သုံးယောက် ထိုင်နေသည့် ဘက်သို့ ၊ မိန်းခလေး အီးစီ ရှင်ဂွမ်းဂွိ ရောက်လာပြီး
“ ဟဲ့...ဘာတုန်း ၊ မျက်နှာကြီးက အီးမှန်တဲ့ ရုပ်နဲ့ ၊ ဘာလဲ သောက်ချင်လို့ လား ဟဲဟဲ ”
“ မှောင်မျိုးသူ ၊ နင်ဟာလေ မှောင်ဆိုတဲ့ ဂုဏ်ဘွဲ့ ကိုတော့ ရောက်ရာအရပ်မှာ အသက်နဲ့ လဲပြီး ထိန်းတဲ့ကောင် ၊ တော်ပြီ ငါ မပြောချင်တော့ဘူး ၊ စိုးသူ ကို လာခေါ်တာ ၊ ဟဲ့..စိုးသူ ငါ နဲ့ ခဏ လိုက်ခဲ့စမ်းပါ ၊ နင့် ကို ပြောစရာ ရှိလို့ ”
“ ဟိတ်ဟိတ်..ဘာလဲ ၊ ငါတို့ သူငယ်ချင်းကြီး ကို မှောင်ထဲခေါ်ပြီး ဗရုတ်တော့ မကျ နဲ့ နော် ၊ သူ က ခံမှာ မဟုတ်ဘူး ၊ ဟီးဟီး ”
“ သေပါ့လား ၊ လာဟဲ့..စိုးသူ ရဲ့ ၊ ပြီးရင် နင့်ကောင်တွေ လဲ ပြန်ပြောလို့ ရတယ် ၊ ငါပြောမှာ က သတင်းကောင်း ဟဲ့ ”
ကျွန်တော် လည်း ရှင်ဂွမ်းဂွိ ခေါ်ရာ နောက်သို့ လိုက်သွားတော့ ၊ တည်းခိုဆောင်များ ဘက် သို့ ရောက်ဖြစ်သွားသည် ။
“ ကဲ..မယ်မင်းကြီးမ ၊ ပြောစရာ ရှိတယ် ဆိုတာ ဘာတုန်း ၊ ပြောတော်မူ ”
“ နင့် အတွက် သတင်းကောင်းပါဟဲ့ ၊ ဟိုဟာလေ...နင် ဖြူ့ ကို ဘယ်လို သဘောထားလဲ ၊ အဲဒါ ပြောပြစမ်းပါ ”
“ ဟင်...နင် ပြောစရာ ရှိတယ် ဆိုတာ ဒါဘဲလား ၊ ဒါဆို ငါ အရက်ဘဲ သွားသောက်တော့မယ် ဟာ ၊ ငါ့မှာ အဲ့ကိစ္စအတွက် ပြောစရာ စကားမရှိဘူး ”
“ မင်းသားရယ် ၊ စကားကို ဆုံးအောင် နားထောင်ပါဦး ၊ နင် ဖြူ့ ကို ချစ်နေသေးလား ဟင် ၊ ငါပြောချင်တာက ဟာ ၊ နင် ဖြူ့ ကို တစ်ကယ်အတည်ကြံခဲ့တာလား ”
“ နေစမ်းပါဦး ၊ နင် နဲ့ ဘာဆိုင်လို့ ၊ ငါ့ ကို ဒါတွေ လာမေးနေတာလဲ ၊ ဟိုကဖြင့် ၊ အစားအသောက်တောင် မပျက်ဘူး ”
“ ဒီလိုဟဲ့ ၊ ငါ့ ကို ဖြူ က ပြောတယ် ၊ နင် သာ ဖြူ့ ကို အတည် ဆိုရင် ဖြူ့ အနေနဲ့ လက်မခံနိုင်စရာ အကြောင်း မရှိပါဘူး တဲ့ ၊ သိပြီလား ”
“ ဟင်..နင် ဘာပြောလိုက်တယ် ၊ ရှင်ဂွမ်းဂွိ ငါ့ကို ပြန်ပြောပြစမ်းပါ ”
“ ဟင်း..အခုမှ ၊ ဖြူ က သူ့ ကို နင်ပြန်ဝိုက်ရင် လက်ခံမယ်တဲ့  ဟေ့ ”
“ အဲဒါ သူ ပြောခိုင်းတာလား ၊ တစ်ကယ်လား ”
“ အေးပေါ့ဟဲ့ ၊ အလကားနေ..ငါက လျှောက်ပြောပါ့မလား ”
ကျွန်တော့် ရင်ထဲ ဘယ်လို ပျော်လို့ ပျော်မှန်းမသိ ဝမ်းသာမိသွားသည် ။ ဟုတ်သည် ။ ဖြူ့ ကို ကျွန်တော် အရမ်းချစ်ခဲ့သည် မှာ အမှန် ။ သူမ အနားတွင် ကျောင်းသားများ ဝိုင်းဝိုင်းလည်နေသည် ကို ကြည့်ရတာ တစ်ကြောင်း ၊ ကျွန်တော့် ပရိုပို့ စ် ကို အင်းမလုပ် အဲမလုပ် နေသည် မှာ တစ်ကြောင်း ၊ မုန်းချင်သလို ဖြစ်ခဲ့ပြီး နောက်ဆုတ်ခဲ့သော်လည်း ၊ သူမ ကို ချစ်နေသေးကြောင်း ၊ ယခုမှ ပြန်သိရသည် ။ သို့ သော်လည်း ယောက်ျားတို့ သိက္ခာ ၊ မာန ဆိုတာ က ရှိနေသေး၍ ခပ်တည်တည် ဖြင့် ဟန်ပြန်လုပ်ရသည် ။
“ သူ့ မှာ ရွေးခြယ်စရာတွေ ဒီလောက် အများကြီး ရှိနေတာဟာ ၊ ငါ့ လို ကောင် ကို ဒီလို ပြောပါ့မလား ”
“ ကဲ..ယုံတာ မယုံတာ တော့ နင့်အပိုင်းဘဲ ၊ ငါကတော့ ငါ့တာဝန်ကျေပြီ ၊ ဒါဘဲ လစ်ပြီ ”
“ ဟဲ့ဟဲ့..နေပါဦးဟဲ့ ၊ ဟီး..နင်ကလဲ ၊ ငါ ကျေးဇူးမမေ့ပါဘူးဟာ ၊ ဒီအကြောင်း အတွက် တို့ ကျောင်းပြန်ရောက်တဲ့အခါ ရှယ်ပြုစုမယ် ၊ နောက်ပြီး ဖြူ့ ကို ပြောလိုက်ပါဟာ ၊ သူ အဆောင် ကို ပြန်ရောက်မှ ငါ သူ့ ဆီ လာခဲ့တော့မယ်လို့ ၊ နော်..အဲဒီလို ပြောပေးပါနော် ”
“ ဟုတ်ပါပြီ မင်းသားရယ် ၊ အခုတော့ ကျွန်တော်မျိုးမ ပြန်ပြီး သွားကစားလိုက်ဦးမယ်နော် ”
“ အေးအေး.. တစ်ကယ်ကျေးဇူးတင်ပါတယ် ဟာ ”
ကြောင်စိုးလွင် နှင့် မှောင်မျိုးသူ ဆီ ပြန်ရောက်တော့ ၊ မျက်နှာကား ထိန်းမရ ၊ စိတ်အပျော်တွေ သည် မျက်နှာတွင် ရောင်ပြန်ဟပ်နေသည် ထင်သည် ။
“ ဟေ့ကောင် ၊ ဘာမှိုတွေ ရလာသလဲ ၊ ပြောစမ်းပါဦး ”
“ ဟုတ်ပ ၊ မျက်နှာကြီး ကို ဖြီးနေတာဘဲ ”
“ ဒီလိုကွ... ”
ကျွန်တော် ကြားခဲ့ရသည် များကို ပြန်ပြောပြလိုက်တော့ ၊ သူရို့ နှစ်ယောက်ပါ ပျော်သွားကြပြီး ၊ ထိုည က အရက်သောက်ဖြစ်ကြခြင်း သည် ကျွန်တော့် အတွက် ဂုဏ်ပြုပွဲ ဖြစ်သွားခဲ့သည် ။
ပုဂံမှ ပြန်လာအပြီး ၊ လူစု ခွဲကြတော့ ၊ ဖြူ့ အနား ကို ကပ်ပြီး “ ညနေကြ ၊ ငါ နင့်အဆောင် လာခဲ့မယ်နော် ” ဟု ပြောလိုက်တော့ ၊ သူမ လှပစွာ ပြုံးလိုက်ပြီး ၊ ခေါင်းညိတ် ပြခဲ့သည် ။ သူမ အပြုံးကို မြင်လိုက်ရသော ကျွန်တော် သည် အသက်ရှူရန် ခဏမေ့သွားမိသည် ။ လှလွန်းလိုက်လေခြင်း ။ ထိုအချိန်တွင် ကျွန်တော့် စိတ်ထဲတွင် ဘာကြောင့်မှန်းမသိ ၊ တစ်ခုခု ကို ကြောက်မိလာသလိုလို နှင့် ၊ ကြက်သီး ထသလိုလို...
*********************

Saturday, December 17, 2011

အလှဇါတ်ခုံ နှင့် ဘဝဇါတ်ခုံ

   “ အလှဇါတ်ခုံ နှင့် ဘဝဇါတ်ခုံ ”
မင်းခ ၊ ၈ တန်း ကျောင်းသား ၊ သူ့ အဖေ က အငြိမ့်ထဲ က လူပြက် ၊ အမေ က အငြိမ့် တွေ ဇါတ်တွေ ထဲမှာ မင်းသမီးအရံ ။ ပြောရရင် အနုပညာ လင်မယား ရဲ့သားပေါ့ ၊ ဒီတော့ မင်းခ မှာလည်း အနုပညာ ဇ ရှိတယ် ။ ငယ်ငယ်လေး ထဲ က ကျောင်းပွဲတွေ မှာဆို ဝင်ကနေကြ ၊ ပညာပေး သရုပ်ဖော် ဇါတ်တိုလေး တွေ မှာ မင်းခ က အမြဲ ခေါင်းဆောင် ။ သို့ ပေသည့် မင်းခ ရဲ့ အဖေ က မင်းခ ဒီလို လုပ်တာတွေ ကို အားမပေးတဲ့ အပြင် ၊ ဘာပွဲ ညာပွဲ နွှဲလာပြီ သတင်းကြားတာနဲ့  မင်းခ ခဗျာ အရိုက်ခံ ရပြီ ပဲ ။

“ ဘာမှ အထင်ကြီးစရာ မရှိတဲ့ လောက ၊ ထွီ....သစ္စာမရှိ ၊ မေတ္တာ ကို ခုတုံးလုပ်ကြ ၊ ဒီလို အသိုင်းအဝိုင်း လောက ထဲ ၊ ငါ့သား....မဝင်စေရဘူး ၊ ငါ့ တုန်းက မိုက်လို့ ၊ မသိခဲ့လို့  ဝင်ခဲ့ပြီးပြီ...။ ဒီမှာ...မင်းခ.....မင်းမှတ်ထားဖို့ က အနုပညာလောက ဆိုတာ...မင်းဘဝ နဲ့ ဘာမှ မအပ်စက်ဘူး ၊ မေ့ထားရမယ်..ဆိုတာပဲ ” ဟု အမြဲ ဆို ဆုံးမနေကြ ။

အဖေ ပြောစကား အရ ဆိုလျှင် ဘယ်အနုပညာသမားမှ မကောင်း ဟူ ၊ အမေ လုပ်သူ က တော့ မိုးတွင်း ကာလ တစ်ခုသာ အိမ်မှာ နေသည် ။ ကြုံရာ ဇါတ် ၊ ကြုံရာ အငြိမ့် ဖြင့် လိုက်ကစမြဲ ၊ နောက်ပြီး မင်းခ အဖေ နှင့် အမေ သည် ဘယ်တော့ မှ မတဲ့ကြ ၊ မိုးတွင်းကာလ လေး အိမ်မှာ ဆုံလျှင်ပင် အမြဲ တကျက်ကျက် ၊ အဖေ က အမေ့ ကို ဇါတ်ဆရာ နှင့် သမုတ်ကာ စွတ်စွဲ ရန်ရှာ စမြဲ ။ အမေ က လည်း “ ရသမျှ ညကြေး အကုန်ပြန်မအပ်တဲ့ ယောက်ျား ၊ နာမည်ခံ ပဲ ရမယ် ” ဟု ပြန် ပြောစမြဲ ။

“ ဒါကြောင့်မို့ ..အဖေ က ငါ့ကို မကစေချင်တာများလား ”   ဟု ရံဖန်ရံခါ တွေးမိသည် ။

ယခု လည်း မင်းခ တို့ ကျောင်း ပညာရည်ချွန်ဆု ပေးပွဲ တွင် ကျောင်းသား များ ၏ သီဆို ဖျော်ဖြေ မှုများ နှင့် အတူ ပညာပေးပြဇါတ်တစ်ပုဒ် သရုပ်ဖော်ကြ ရန် စီစဉ်နေကြသည် ။ ထုံးစံ အတိုင်း မင်းခ ကတော့ စာရင်းပေးစရာ မလို ၊ အော်တို အရွေးခံရပြီးသား ။ ဖြစ်ချင်တော့ ဒီတစ်ခါ ပြဇါတ်တွင် မင်းသမီး နေရာ သရုပ်ဆောင်မည့် ကျောင်းသူ က မရှိ ၊ မင်းခ က ရုပ်ရည်ချောမော သူ တစ်ဦးဖြစ်သည့် အတွက် မင်းသမီးနေရာ တွင် မင်းခ ကို ရွေးလိုက်ကြသည် ။ အနုပညာ ပိုးကြီးသော မင်းခ က လည်း မငြင်း ။ ထို့ အပြင် ဆုပေးခြင်း အခမ်းအနား မစမှီ တေးသရုပ်ဖော် အစီအစဉ် တွင်လည်း မင်းခ က ဦးရွှေရိုး နှင့် ဒေါ်မိုး အက ကို ဒေါ်မိုး နေရာ က မင်းခ ကမည် ။ ထိုအခါ မိတ်ကပ် လည်း ၂ ခါ ပြင်စရာ မလိုတော့ ။ ဖခင်ကြီး မသိအောင် ကျောင်းဆင်းချိန်များတွင် ဇါတ်တိုက် အကတိုက် ခဲ့သည် ။

မင်းခ အဖေ နှင့် အမေ သည မင်းခ ကို ကျောင်းထားပေးရုံသာ တတ်နိုင်ကြသည် ။ အခြားကျောင်းသား များလို ထွက်သမျှ ကစားစရာ အရုပ် မင်းခ တွင် မရှိ ။ လန်းလန်းဆန်းဆန်း အဝတ်အစား အသစ်များ လည်း မင်းခ ကို မဆင်နိုင် ။  မင်းခ တစ်ယောက် မှာလည်း ကျောင်းစာ တွင် မပျော်နိုင်ပဲ ဇါတ်သရုပ်ဆောင်ရသည် ၊ က ရသည် ကို  သာ စိတ်ဝင်စားနေခဲ့သည် ။ မင်းခ တို့ မြို့ဘုရားပွဲ ရာသီ ချိန် ရောက်ပြီ ဆိုလျှင် မင်းခ တစ်ယောက် ဘယ်အငြိမ့် ဘယ်ဇါတ် မှ မလွတ်အောင် ပွဲတိုင်းစေ့ ကြည့်နေကြ ။  ဇါတ်ခုံ များ အငြိမ့်စင် များ တွင် ပရိသတ် များ မှ ဆုတော်ငွေ များ တက်ဆုချ ပြီ ဆိုလျှင် မင်းခ တစ်ယောက် အရမ်းအားကျ ခဲ့သည် ။ အက ပညာတွင် မိခင်ထံ မှ အနည်းငယ် သင်ယူထားရှိပြီး ၊ ဇါတ်အငြိမ့်များ မလွတ်တမ်း ကြည့်ရှူ ခဲ့သော ကျေးဇူးကြောင့် မင်းခ တစ်ယောက် စည်းဝါးကိုက်အောင် ကောင်းကောင်းကြီး ကတတ်သည် ။

ယခု လည်း ကျောင်းကပွဲ အတွက် အကတိုက် ၊ ပြဇါတ် ရီဟာဇယ် တွင် မင်းခ အခန်းအတွက် ကောင်းကောင်းကြီး ပိုင်နိုင်သွားပြီ ။ သို့ ဖြစ်၍ အခြား ဇါတ်တိုက်နေသူ များ ၊ အကကျင့်နေသူ များ ကို မင်းခ က ဆရာပြန်လုပ်နေသည် ။ မင်းခ တို့ ကမည့် ဇါတ်လမ်း က မူးယစ်ဆေးဝါး ပညာပေး ဇါတ် ။ မူးယစ်ဆေးဝါး သုံးစွဲသည့် လူငယ် တစ်ဦး လမ်းမှား ရောက်ကာ ဘဝပျက်ရပုံကို  ပုံဖော်ကြမည် ဖြစ်သည် ။ အကောင်းဆုံး သရုပ်ဆောင်နိုင်သူ က ကျောင်းအုပ်ဆရာ ကြီး နှင့် ကျောင်းသားမိဘ ကော်မတီ ဝင်များ က ဆုချီးမြှင့်မည် ဟု သိရသဖြင့် ပါဝင်မည့် သူတိုင်း တက်ကြွနေကြသည် ။

သို့ နှင့် ပညာထူးချွန်သူ များ ကို ဆုပေးပွဲနေ့ ကျင်းပသည့် နေ့ ကို ရောက်လာခဲ့သည် ။ ဦးစွာ အခမ်းအနား စတင်ကြောင်း ကြေငြာ ပြီးသည် နှင့် ကျောင်းသား များ ၏ သီဆို ဖျော်ဖြေ မှု များ ဖြင့် စတင်သည် ။ ထို့ နောက် မင်းခ နှင့် ကျောင်းသား တစ်ယောက် တို့ ဦးရွှေရိုး၊ဒေါ်မိုး အက ကို ကကြသည် ။ မင်းခ တို့ ကအပြီး ပရိသတ်များ က သဘောကျ ကြ သဖြင့် မင်းခ နှင့် ဦးရွှေရိုး က သူ တို့  တစ်ယောက် ကို ဆုတော်ငွေ ၅ထောင်ကျပ် တန် နှစ်ရွက် စီ ဆုချခြင်း ခံရသည် ။ မင်းခ တစ်ယောက် တော်တော်လေး ပျော်ရွှင် ဝမ်းသာ မိသွားသည် ။ သူ့ ဘဝ တွင် ၅ထောင်ကျပ် တန် ဆိုသည် မှာ မြင်သာမြင်ဖူးသော်လည်း တစ်ခါ မှ ကိုင်တွယ် မသုံးခဲ့ဖူးသေး ။ ၅ ထောင်ကျပ်တန် ပေါ်ကာစ က ၊ သူငယ်ချင်းတွေ နည်းတူ ကိုင်ချင်သောကြောင့် အဖေ့ထံ သွားတောင်းရာ နားရင်း ရိုက်ခံ ရပြီး ဆူပူကြိမ်းမောင်းခြင်းသာ ခံ ခဲ့ရသည် ။ ယခု ဆုချ ခံ ရသော ၅ ထောင်ကျပ်တန် နှစ်ရွက် ကို သေချာ ကိုင်ကြည့်ကာ မင်းခ တစ်ယောက် ဝမ်းသာ ကြည်နူးနေမိသည် ။ ထို့ နောက် ပိုက်ဆံ အိတ်ထဲ သေချာ ထည့်သိမ်းလိုက်ပြီး  အဝတ်လဲ ခန်း သို့ အသွား ၊ ပွဲစီစဉ်သူ ဆရာ က ရေးကြီးသုတ်ပြာ နှင့် သူ့ ဆီ ပြေးလာသည် ။

“ မင်းခ....၊ မင်းခရေ...မင်း ကူမှ ဖြစ်တော့မယ် အနေအထားတော့ ရောက်နေပြီ ကွာ ”

“ ဗျာ...ဆရာ ၊ ဘာများ ဖြစ်လို့ လဲ ဗျ ”

“ တို့ ဇါတ်လမ်းထဲ မှာ ပိုက်ဆံ အိတ် လုခံ ရမယ့် သူ နေရာ ကို သရုပ်ဆောင် မယ့် ကောင် ကွာ ၊ မနေ့ ည က ခရီးထွက်သွားတယ် တဲ့ ကွာ ။ အဲဒါ သူ့ နေရာ မှာ မင်း ဝင် သရုပ်ဆောင်ပေးပါဦး ”

“ ဟာ..ဆရာကလဲ...ကျွန်တော် က မင်းသမီးနေရာ က ဆောင်ရမှာလေ..။ အခု ဒေါ်မိုး အက အတွက် မိန်းမ လို ပြင်ထားတာ ဆိုတော့ ၊ အဲဒီနေ ရာ ဝင်ရမယ့် ဆိုရင် ကျွန်တော် မိတ်ကပ် ဖျက်ပြီး တစ်ခါ ပြန်လိမ်းနေရာမှပေါ့ ”

“ မိတ်ကပ် လိမ်းတာ က မကြာပါဘူးကွာ ၊ လုပ်ပါ ၊ ဒီတစ်ခန်းလေးပါ ၊ အပြင်ကျောင်းသား ကို အစားထိုးမယ် ဆိုရင် မပီပြင်မှာ စိုးလို့ ပါကွာ ၊ ဆရာ မင်းကို တောင်းဆိုပါရစေ ၊ ကူညီလိုက်ပါဦးကွာ..နော် ”

“ ဘယ်လို မှ မဖြစ်နိုင်ဘူး ဆိုရင် လည်း ကျွန်တော်ပဲ ဝင်ပေးပါ့မယ်လေ ၊ ဒါဆို ကျွန်တော် ၊ ယောက်ျား လို ပြန်ဝတ်လိုက်တော့မယ်နော် ”

“ ကောင်းပြီကွာ...မြန်မြန်လေး လုပ်လိုက် ၊ မင်း ရှိလို့ လည်း တို့ ကပွဲလေး က အရမ်းကို အဆင်ပြေ တော့တာပေါ့ကွာ ၊ ကျေးဇူးပါပဲ..မင်းခ ရာ ”

သို့ နှင့် မင်းခ တစ်ယောက် အဝတ်အစား လဲ ပြီး စောင့်နေလိုက်သည် ။ ဆေးစွဲနေသူ လူငယ် က ဆေးဖိုး ပိုက်ဆံ ပြတ်သွားသဖြင့် လမ်းမှာ တွေ့ သည့် ဘောစိ တစ်ယောက် ကို ခါးပိုက်နှိုက် မည့် အခန်း ကို ဘောစိ နေရာ မှ မင်းခ ဝင်ပေးရမည် ဖြစ်သည် ။ မင်းခ သရုပ်ဆောင်ရမည့် နေရာ သို့ ရောက်လာပြီ ဖြစ်၍ စင်ပေါ်သို့ ဝင်လိုက်သည် ။ စင်ရှေ့တွင် ဟန်ပါပါ နှင့် သူဌေး(ဘောစိ) လို လမ်းသလားနေလိုက်သည် ။ ဆေးစွဲသူ အဖြစ်သရုပ်ဆောင်သည့် ကောင် က အပြင် တစ်ကယ့် ဘဝ တွင်လည်း ခပ်ပေပေ ခပ်ရွတ်ရွတ် ငဆိုးတစ်ကောင်ဖြစ်သည် ။ မင်းခ တို့ အပေါ်တွင်လည်း အနိုင်ကျင့်နေကြ ။ ယခု လည်း မင်းခ တစ်ယောက် မျက်ခုံး ခပ်လှုပ်လှုပ် နှင့် ။ ဇါတ်လမ်း သဘောအရ မင်းခ ကို ပြေးဖက် ၊ အိပ်ကပ် ကို နှိုက်ဟန် ပြ ပြီး ကန်လန့် ကာ နောက်ကွယ် သို့ ပြေးဝင်ရမည် ဖြစ်သည် ။ ဇါတ်က စပြီ ။ ဆေးသမား သည် မင်းခ ထံ ပြေးလာပြီး ဖက်လိုက်သည် ။ မင်းခ  က လည်း အော်သည် ။

“ ကယ်ကြပါဦး ဗျို့.....နေ့ ခင်းကြောင်တောင်ကြီး လုယက်နေလို့ ပါဗျို့ ” အော်ရင်း ရုန်းဟန်ပြသည် ။ သို့ သော် ဆေးသမား လုပ်သူ က သူ့ပိုက်ဆံ အိတ်ကို တစ်ကယ် ဇွတ်နှိုက်လာသည် ။ မျက်နှာ ကို ကြည့်လိုက်တော့ တစ်ကယ် ကို မာန်ပါပါနှင့် ။ မင်းခ လည်း စိုးရိမ်လာပြီး ဇွတ်ရုန်းသည် ။ သို့ သော် ဆေးသမား လုပ်သူ က သူ့ ထက် ဘော်ဒီ ပိုကြီး သဖြင့် မနိုင် ။ သို့ နှင့် မင်းခ တစ်ယောက် မတတ်နိုင်သည့် အဆုံး ဆေးသမား ကို ပစ်ထိုးလိုက်သည် ။ စင်အောင်မှ ပရိသတ်ကြီးက ပွဲကြသွားသည် ။  “ တစ်ကယ် သရုပ်ဆောင် တာ တော်တယ် ကွ ” ဟု ဆိုကာ ဝိုင်းဝန်း လက်ခုပ် အားပေးကြသည် ။ တစ်ကယ်တမ်း မင်းခ တစ်ယောက် မှာမူ အကျဉ်းအကြပ် ထဲ ။ မင်းခ ထိုးလိုက်သဖြင့် ဆေးသမား လုပ်သူ တစ်ချက် ယိုင်သွားသည် ။ ပြန်ဆုတ်ခွါသွားသည် ။ သို့ သော် မင်းခ ပိုက်ဆံအိတ်ကမူ သူ့ထံ ပါသွားပြီ ။ မင်းခ လည်း  “  ဟေ့ကောင်.. ငါ့ ပိုက်ဆံ အိတ် ပြန်ပေး ” ဟု ဆိုကာ ပြန်ဖက် လိုက်တော့ မင်းခ မျက်နှာကို တစ်ချက်ထိုး ၊ တွန်းလွှတ်ပြီး စင်နောက်သို့ ပြေးဝင်သွားသည် ။ မင်းခ တစ်ယောက် လည်း အော်ငိုပြီး ကန့် လန့် ကာ အမြန်ချ ရန် အော်ဟစ်လိုက်သည် ။

“ သွားပြီ....ဇါတ်တော့ ပျက်ပါပြီ ကွာ ၊ ဘယ်လို ဖြစ်ရတာလဲ မင်းခ ရယ် ” ဟု ဆရာ က အပြစ်တင်လာသည် ။ မင်းခ က သူ့ ပိုက်ဆံ အိတ် ကို တစ်ကယ် လုယူ သွားကြောင်း တိုင်လိုက်သည့် အခါ ဆေးသမား လုပ်သူ က ခပ်တည်တည် နှင့် သူ့ ပိုက်ဆံအိတ် ကို ပစ်ပေးပြီး  “ အဖြစ်သည်း နေလိုက်တာကွာ ” ဟု ဆိုကာ ထွက်သွားသည် ။  ပိုက်ဆံ အိတ် ကို ဖွင့်ကြည့်လိုက်တော့ သူ အိမ်မှ ပါလာသော ပိုက်ဆံ ၁၀၀၀ ခန့် အပြင် ၊ ဆုချီးမြှင့် ခံထားရသည့် ၅ထောင်ကျပ်တန် ၂ ရွက်ပါ မရှိတော့ ၊ သို့ နှင့် ဆရာ့ ကို သွားပြောတော့

“ တော်တော်ဆိုးတဲ့ကောင်ပါလား ၊ မင်းကြောင့်မို့တို့ သရုပ်ဖော် ဇါတ်လည်း ပစ်ရပြီ....သွားစမ်းကွာ ” ဟု ဆိုကာ အကြိမ်းမောင်း ခံရသည် ။ မည်သို့ တောင်းပန် ပြောဆိုဆို ဆရာ လုပ်သူ က သူ ပြောသမျှ ကို နားမဝင်တော့ ။ ဒေါသပုန် ထနေသည် ။ နောက်ဆုံး ဘယ်လို မှ ပြောမရတော့ သဖြင့် မင်းခ တစ်ယောက် ဝမ်းနည်း ပက်လက် ပြန်ခဲ့သည် ။ အိမ်သို့ ရောက်တော့ ဖခင် ကြီး က စောစောစီးစီး ပုလင်းထောင်နေသည် ။ မျက်နှာတွင် တစ်ချက် အထိုးခံ ထားရသဖြင့် ဖူးယောင်နေသော မျက်နှာ နှင့် စိတ်ညစ်နေသည့် ပုံကို မြင်တွေ့ သွား သဖြင့် ခေါ်မေးတော့သည် ။

“ ဟေ့ကောင်....မင်းခ လာစမ်းပါဦး ၊ မင်းမျက်နှာ က ယောင်လို့ ပါလား ၊ ဘာဖြစ်လာတာ လဲ ”

မင်းခ တစ်ယောက် ဘယ်လို မှ ဖုံးကွယ်ရန် မတတ်နိုင်တော့ သဖြင့် အကြောင်းစုံကို ရှင်းပြ လိုက်တော့

“ ဟားဟားဟားဟား... ခံလာရတာ နည်းတောင် နည်းသေးတယ် ၊ ဒါ မင်းအတွက် သင်ခန်းစာ ပဲ ၊ ဒီအလုပ် တွေ မလုပ်ရပါဘူး လို့ ငါ အတန်တန် ဆုံးမနေတဲ့ ကြား က သွားကမြင်းတာလေ ၊ ဒါ အကင်းပဲ ရှိသေးတယ် ၊ တစ်ကယ့်..တစ်ကယ် ငါတို့ လောက ထဲ မှာဆိုရင် ဒီ့ထက် အဆတစ်ရာ မက ဆိုးတဲ့ ဟာတွေ အများကြီး ရှိတယ် ။ ထားပါတော့...သွားသွား ရေချိုးပြီး နားချေတော့ ...။

ဝမ်းနည်း ကြေကွဲလာသော ကျောင်းသားလေး မင်းခ စိတ်တွင်တော့...................... ။